ახალი წელი განსაკუთრებული დროა, რომელიც გვაძლევს შესაძლებლობას დავისახოთ მომავალი გეგმები და ცხოვრება დავიწყოთ სიახლეებით. ამ დღესასწაულის გასატარებლად თურქეთი ერთ-ერთი ყველაზე პოპულარული ადგილია. აქ აღმოაჩენთ მრავალფეროვან კულტურას, ისტორიულ ღირსშესანიშნაობებს, ულამაზეს ხედებს და ადგილობრივ ტრადიციულ კერძებს. წაიკითხეთ ჩვენი ბლოგი და გადაწყვიტეთ, სად დაგეგმოთ თქვენი ახალი წელი თურქეთში. ეს ადგილები მართლაც დაუვიწყარ დღეებს გპირდებათ.
1. სტამბოლი – ტრადიციებისა და თანამედროვეობის ნაზავი
სტამბოლი არის ქალაქი, სადაც აღმოსავლეთი ხვდება დასავლეთს. ახალი წლის აღსანიშნავად ეს ქალაქი განსაკუთრებულადაა მორთული ფერადი განათებებითა და სადღესასწაულო დეკორაციებით. ტაქსიმის მოედანი და ისტიკლალის ქუჩა სავსეა მუსიკით, ცეკვითა და ფეიერვერკებით.
ტურისტებს შეუძლიათ ეწვიონ ცნობილ ბოსფორის სრუტეს, საიდანაც ნავით გასეირნებისას განათებები და ფეიერვერკები კიდევ უფრო შთამბეჭდავი იქნება. გარდა ამისა, სტამბოლში მდებარე ისტორიული ბაზრები, როგორიცაა გრანდ ბაზარი და სპაის ბაზარი, შესანიშნავი ადგილია სადღესასწაულო საჩუქრების შესაძენად.
2. ალანია – სიმშვიდის მოყვარულთათვის
ალანია ფანტასტიური ადგილია საახალწლოდ, მხიარული დღესასწაულების უნიკალური შერწყმისა და ზღვის განსაცვიფრებელი სილამაზის გამო. მისი მომხიბვლელი ქუჩები ცოცხლდება ფერადი დეკორაციებითა და ბაზრობებით. სანაპირო სასტუმროების უმეტესობა მასპინძლობს გლამურულ საახალწლო წვეულებებს, სადაც ღამით ფეიერვერკების გრანდიოზული შოუ გელოდებათ.
თქვენ ასევე შეგიძლიათ დაათვალიეროთ ალანიის ისტორიული ღირსშესანიშნაობები, როგორიცაა წითელი კოშკი და ალანიის ციხე, რათა თქვენს დღესასწაულს კულტურის ელფერი შემატოთ.
3. ანტალია – ზამთრის ზღაპარი ხმელთაშუა ზღვის სანაპიროზე
ანტალია, ხმელთაშუა ზღვის მარგალიტი, გთავაზობთ ახალ წელს ზღვისა და მთების ულამაზეს კომბინაციას. ქალაქში უამრავი ფეშენებელური სასტუმროა, რომლებიც ორგანიზებას უკეთებენ გრანდიოზულ გალა-საღამოებს.
ანტალიაში ახალი წლის დროს შეგიძლიათ იმოგზაუროთ ისტორიულ ქალაქ კალეჩიში, რომლის ვიწრო, ქვაფენილიანი ქუჩები და ოსმალური სტილის არქიტექტურა განსაკუთრებულად სადღესასწაულო განწყობას შეგიქმნით.
4. კაპადოკია – ფანტასტიური ბუნება და ფეიერვერკები
კაპადოკია არის ზღაპრული ადგილი, რომელიც ახალი წლის აღსანიშნად იდეალურ გარემოს ქმნის. ეს რეგიონი ცნობილია თავისი საჰაერო ბუშტებით, რომლებიც დილით ცას აფერადებენ. ახალი წლის ღამეს კი, მათ ადგილს ფეიერვერკები იკავებენ.
ასევე, კაპადოკიაში შეგიძლიათ მოინახულოთ უძველესი კლდოვანი ეკლესიები და მიწისქვეშა ქალაქები. აქაური სასტუმროები, რომლებიც კლდეებშია ჩაშენებული, ახალ წელს დაუვიწყარ რომანტიკულ გარემოს შეგიქმნით.
5. ბოდრუმი – თბილი ზამთარი
ბოდრუმი, ერთ-ერთი განსაკუთრებული არჩევანია საახალწლოდ. ის ცნობილია აქტიური ღამის ცხოვრებით, ქალაქის ბარებში, კლუბებსა და სანაპიროებზე იმართება საახალწლო წვეულებები. აქაური ზამთრის თბილი ამინდი კი, დღესასწაულს განსხვავებულ ელფერს სძენს.
ბოდრუმში ზოგიერთი ლაქშერული ბუტიკ სასტუმრო გთავაზობთ სპეციალურ დასასვენებელ პაკეტებს, რაც აქ ახალი წლის გატარებას კიდევ უფრო მიმზიდველს ხდის.
თურქეთი ახალი წლის აღსანიშნად იდეალური ადგილია, რომელიც ნებისმიერი ადამიანის გემოვნებას აკმაყოფილეს. იქნება ეს სტამბოლის დიდებულება, კაპადოკიის ზღაპრული გარემო, თუ ანტალიის ზამთრის ზღაპარი, თქვენ გექნებათ შესაძლებლობა შეიქმნათ დაუვიწყარი მოგონებები.
ხშირად დასმული კითხვები
- რომელია საუკეთესო დრო თურქეთში ახალი წლის აღსანიშნავად?
დეკემბრის ბოლო დღეები და იანვრის დასაწყისი იდეალური პერიოდია ახალი წლის აღსანიშნად. - ახალი წლის პერიოდში თურქეთში ამინდი როგორია?
ამინდს რეგიონი განსაზღვრავს: სანაპიროებზე ნოტიო და ზომიერი ზამთარია, ხოლო მთიან რეგიონებში ცივი და თოვლიანია. - რა ტრადიციები აქვთ თურქეთში ახალი წელს?
თურქები ახალ წელს ოჯახთან ან მეგობრებთან ერთად აღნიშნავენ, ამზადებენ უგემრიელეს კერძებს და ტკბებიან ფეიერვერკებით. - სტამბოლში ახალი წლის ღამეს რა უნდა ვნახო?
ტაქსიმის მოედანი, ბოსფორის სანაპირო და ისტორიული ბაზრები საუკეთესო ადგილებია ახალი წლის ღამის გასატარებლად. - კაპადოკიაში ახალი წლისთვის რა აქტივობებია?
სხვადასხვა აქტივობა: საჰაერო ბუშტით ფრენა, კლდოვანი ნაგებობების დათვალიერება და ტრადიციული თურქული კერძების დაგემოვნება
გისურვებთ სასიამოვნო მოგზაურობას!
